అల్లారుముద్దుగా పెంచుకున్న నా ఒక్కగానొక్క కొడుకు 6 ఏళ్ళ వయసులో తన ప్రాణం కోసం పోరాటం చేస్తున్నాడు. నా చిట్టి తండ్రి మీ సహాయం కోసం ప్రార్దిస్తున్నాడు

జగిత్యాల రూరల్: కూలి నాలి చేసుకుని పూట గడిస్తే చాలు అనే పరిస్థితిలో ఉన్న ఆ కుటుంబంలో అంతులేని సమస్య ఏర్పడింది. తల్లిదండ్రులు అహోరాత్రులు చిన్నారిని పట్టుకుని ఆస్పత్రుల చుట్టూ తిరుగుతున్నారు. అల్లారుముద్దుగా పెంచుకున్న ఒక్కగానొక్క కుమారుడికి అరుదైన వ్యాధి సోకడంతో ఆ నిరుపేద కుటుంబం లబోదిబోమంటున్నారు. వివరాలలోకి వెళ్తే.. జగిత్యాల మండలం హస్నాబాద్ కు చెందిన నిరుపేద కుటుంబమైన వావిలాల సంతోష్-రాధా దంపతులకు ఒక్కగానొక్క కొడుకు వావిలాల ఆదిత్య (6) గ్రామంలోని ప్రభుత్వ పాఠశాలలో 1వ తరగతి చదువుతున్నాడు. తండ్రి సంతోష్ ఉపాధి నిమిత్తం గల్ఫ్ వెళ్లగా అక్కడ పని సరిగ్గా లేక ఏజెంట్ల చేతిలో మోసపోయి అప్పుల పాలయ్యాడు. తల్లి బీడీలు చేస్తూ జీవనం సాగిస్తున్నారు. వీరికి నివాసం ఉంటున్న ఇల్లు తప్ప, వేరే ఆస్తులు లేకపోవడంతో వారి కుటుంబ పరిస్థితి చాలా దీన స్థితిలో ఉంది. గత కొంత కాలంగా ఆదిత్య అప్లాస్టిక్ అనీమియా వ్యాధితో బాధపడుతున్నాడు. దీంతో పలు ఆస్పత్రుల్లో చికిత్స చేయించగా పరీక్షలు నిర్వహించిన వైద్యులు 'బోన్ మ్యారో' ట్రాన్స్ ప్లాంటేషన్ (ఎముకనుజ్జు మార్పు) ఆపరేషన్ చేయాలనీ పేర్కొన్నారు. ఇప్పటివరకు చికిత్స కోసం రూ.15 లక్షల వరకు గ్రామంలో అప్పులు చేసి వెచ్చించగా ఆపరేషన్ చేయడానికి మరో రూ.20 లక్షల నుంచి రూ. 25 లక్షల వరకు ఖర్చు అవుతుందని వైద్యులు తెలియచేసారు. అంత స్థోమత లేని దంపతులు ఆపన్న హస్తం కోసం ఎదురు చూస్తున్నారు. కట్టు బట్టలతో మిగిలిన ఆ తల్లిదండ్రుల మనోవేదన మాటల్లో చెప్పలేనిది. సమయం గడుస్తున్న కొద్ది మరణానికి చేరువవుతున్న తమ కుమారుడిని రక్షించుకునేందుకు తల్లిదండ్రులు సాయమందించే దయా హృదయుల కోసం ఎదురు చూస్తున్నారు. ఈ విషయం తెలుసుకున్న సింగపూర్‌ తెలుగుసమాజం వారు లక్షా ముప్పై వేల రూపాయలను విరాళంగా అందించారు కానీ ఆదిత్య చికిత్సకు మరింత డబ్బు అవసరం కనుక దాతలు స్పందించి తమకు తోచినంత విరాళం అందించమని తల్లి తండ్రులు వేడుకుంటున్నారు. ఆర్ధిక సహాయం చేయాలనుకున్న వాళ్ళు ఈ క్రింది ఎకౌంటుకి నగదు పంపవచ్చు.
బ్యాంకు వివరాలు.. 
బ్యాంకు ఆఫ్ ఇండియా,
అకౌంట్‌ నంబర్‌: 860520110000516
IFSCode: BKID 0008605 (బికెఐడి 0008605)

(Note:- ఇక్కడ చెప్పబడిన బాధితుల వివరాలు మరియు వారి వైద్యానికి అయ్యే ఖర్చుల వివరాలను సంబంధిత ఆసుపత్రి వర్గాలవారిని తేజ మీడియా వారు స్వయంగా కలిసి అన్ని విధాలా ఎంక్వయిరీ చేసి ధృవీకరించినతర్వాతే మీ సహాయం కోసం అభ్యర్ధించడం జరిగింది. మీకు ఇంకా ఎటువంటి వివరాలు కావాలన్నా మరియు స్వయంగా భాదితులను కలిసి సహాయం చేయదలచినవారు సంప్రదించండి. tejafoundation2009@gmail.com)